الحـــــــــــــاكم فينا شـــــــــــــــــايخ

جمال الموسوي . مدير مكتب البرقيه التونسيه والموعد الجديد العالميه في جمهورية العراق

على طريقة الراب 

بقلم الشاعرة أمان الله الغربي

الحاكم فينا شايخ 

الشعب بكلو دايخ

ناري على سويقاتي 

بالفلقة فينا طايح

اش مش يهم صباطي

عندي وإلا رايح

آش مش يهم لباسي 

مفصل على غيري

ما يواتيش قياسي

وزيد خذالي خيري

الشعب بكلو مزمر

من الأسعار مدمر

شرب الهم يعاني

بلاش الكاس مخمر

والحاكم يحمر 

في شفايف الأسياد

البوسة مزيانة 

تقلب في البلاد

ما يهمش المهانة 

ولا عزة العباد

أخلط هارب منك 

الكرسي اجري وراه

برة اش يهمك

الفرنك يا ما أحلاه

حتى حد ما يذمك

ما يقولوش خذاه

تبات كرشك شبعانة 

واللقمة في فمك

وبلادك جيعانة

برة كف يلمك

على سريرك متهني 

دافي يا حوات

بايت سيدي يغني

ما فاقش باللي مات

ولا هاك المعري 

في سرد الكاياسات

دخلنا في الحيوط

ومستقبلنا ضايع

تخبلت الخيوط

حتى القاري صايع

إنت بايع شعبك شاري

تراب تونسناسومو غالي

في العروق دمو ساري

علم بلادي صوته عالي

ما يحنيش للمذلة

قدرو كبير بالمحبة

برة داوي هاك العلة 

حاروا فيك حتى الطبة